‘प्रहरी हुँ’ भन्दै रकम उठाउँदै हिँड्ने र खानतलासी गर्ने ‘नक्कली प्रहरी’ पक्राउ
२४ साउन, काठमाडौ । सादा पोसाकको ‘प्रहरी हुँ’ भन्दै रकम असुली गर्ने एकजना पक्राउ परेका छन् । पक्राउ पर्नेमा रौतहट माधवनारायण नगरपालिका १ बस्ने २४ वर्षीय रमेश साह रहेका छन् ।
साहले सर्वसाधारणसँग रकम असुल गर्न खोज्नुका साथै विभिन्न व्यक्तिहरूको जिउ खानतलासी समेत गर्दै गरेको सूचनाको आधारमा इलाका प्रहरी कार्यालय चन्द्रनिगाहपुर रौतहटबाट खटिएको प्रहरी टोलीले उनलाई पक्राउ गरेको हो ।
चेकजाँचको क्रममा उनको झोला भित्र सशस्त्र प्रहरी बलको तयारी हालतमा रहेको पोसाक समेत बरामद भएको प्र्रहरीले जनाएको छ ।
उनीमाथि अभद्र व्यवहार मुद्दा शिर्षकमा थप अनुसन्धान भइरहेको छ ।