२२ असार , काठमाडौँ । सरकारले ६ जना प्रहरी बरिष्ठ उपरीक्षक (एसएसपी)को सरुवा गरेको छ । नेपाल सरकार, गृह मन्त्रालय (मन्त्रीस्तर)को निर्णयले एसएसपीको सरुवा गरेको हो ।
सरुवा सूचीमा काठमाडौं उपत्यकाको महत्वपूर्ण मानिने जिल्ला प्रहरी परिसर काठमाडौंको प्रमुखमा एसएसपी भरत बोहोरालाई पठाइएको छ।
यस्तै अर्को महत्वपूर्ण मानिने काठमाडौं उपत्यका अपराध अनुसन्धान कार्यालयमा एसएसपी जनक भट्टराईको सरुवा भएको छ ।
यस्तै एसएसपी अनुराग द्विवेदीको मानव बेचबिखन नियन्त्रण अनुसन्धान ब्युरो, विकास खनालको लागुऔषध नियन्त्रण ब्युरो र विष्णु केसीको अपराध अनुसन्धान विद्यालयमा सरुवा भएको छ।
यसैगरी एसएसपी कुवेर कडायतको केन्द्रीय अनुसन्धान ब्युरोबाट विपद् व्यवस्थापन कार्यालय सामाखुसीमा सरुवा भएको प्रहरी प्रधान कार्यालय स्रोतले जनायो।
