बिचित्र संसार -
Comments Add Comment

बिचित्र संसार

List Grid
थापाथलीमा खुकुरी नचाउँदै मेयर बालेनविरूद्ध नाराबाजी

१२ मंसिर , काठमाडौ । काठमाडौंको थापाथलीस्थित बागमती किनारमा रहेको सुकुम्बासी बस्तीका स्थानीयहरुले घरेलु हतियारसहित प्रदर्शन गरेका गरेका छन् ।
सुकुम्बासी बस्ती हटाउन महानगरको टोली थापाथली पुगेपछि उनीहरु घरेलु हतियारसहित प्रदर्शनमा उत्रिएका हुन् । खुकुरी, हंसिया, लाठी, घुइँत्रो लगायतका घरेलु हतियार बोकेर उनीहरुले प्रदर्शन गरेका हुन् ।
आफूहरु बस्दै आएको ठाउँ नछाड्ने भन्दै उनीहरुले गृहमन्त्री तथा काठमाडौंका मेयर बालेन साह ९बालेन्द्र०विरुद्ध चर्को नारावाजी गरिरहेका छन् ।

बर्दघाटमा खुकुरी प्रहार गरेर एक जनाको हत्या

पश्चिम नवलपरासीको बर्दघाट नगरपालिका ४ मा खुकुरी प्रहार गरेर एक जनाको हत्या भएको छ भने एक जना सख्त घाइते भएका छन् ।

आपसी झगडामा विवाद हुँदा अज्ञात व्यक्तिको खुकुरी प्रहारबाट बाग्लुङका ४६ वर्षीय दिलिपकुमार पुनको घटनास्थलमै मृत्यु भएको र स्थानीय विष्णु काउछा घाइते भएको पश्चिम नवलपरासीका प्रमुख एसपी ऋषिराम कँडेलले बताए ।

घाइतेको बुटवलमा उपचार भइरहेको छ । खुकुरी प्रहार कसले गर्‍यो र के कारणले घटना घट्यो भन्ने विषयमा अनुसन्धान भइरहेको प्रहरीले जनाएको छ ।

अध्यागमनकै सेटिङ भिजिट भिसाको बहानामा मानव तस्कर : प्रहरीले तस्कर रोक्न सक्रियता बढायो 

काठमाडौं ,पछिल्लो समयमा मध्यराति हुने उडानमार्फत दुबई हुँदै तेस्रो मुलुकमा भिजिट भिसाको बहानामा मानव तस्करी हुने गरेको भन्ने गुनासो आएपछि प्रहरीले चेकजाँच कडा बनाएको छ ।
मानव बेचबिखनमा संलग्न समूहले सोझा महिलालाई विदेशमा आकर्षक जागिरको प्रलोभनमा मध्यपूर्वका विभिन्न देशमा लगेर बेचबिखन गर्ने प्रवृत्ति बढेको छ । भिजिट भिसामा विदेश जाने सयौं नेपालीले दुःख पाएका छन् । कतिपय महिलाहरु बेचिएका छन् । यसरी बेचिएकाहरुको राज्यले उद्धार गर्नुपर्ने हुन्छ । यता अध्यागमनका कर्मचारी भने एक जनालाई पठाउँदा एक लाख रुपैयाँसम्म असुलेर त्यसमा मस्ती गर्दै आएका छन् ।

अध्यागमनकै सेटिङमा मानव तस्करी बढेपछि नेपाल प्रहरीले …

पूर्वी पोल्याण्डमा रुसी मिसाइल प्रहारबाट २ जनाको मृत्यु

३० कात्तिक काठमाडौ । युक्रेनको सिमाना नजिक पूर्वी पोल्याण्डको एक गाउँमा भएको विस्फोटमा दुई जनाको मृत्यु भएको छ । विष्फोट रुसी मिसाइलहरूबाट गरिएको भन्दै नेटो सहयोगीहरूले अनुसन्धान गरिरहेका छन् ।
यसअघि अमेरिकी गुप्तचर निकायका एक वरिष्ठ अधिकारीलाई उद्धृत गर्दै एसोसिएटेड प्रेसले पोल्याण्डमा रुसी क्षेप्यास्त्रहरू प्रवेश गरेको कारण विस्फोट भएको बताएको थियो । तर अमेरिकी रक्षा मन्त्रालय पेन्टागनले उक्त विवरणको पुष्टि गर्न नसकेको बताएको छ ।
ह्वाइट हाउसले पनि पोल्याण्डबाट आएका रिपोर्टहरू पुष्टि गर्न नसकिने र थप जानकारी संकलन गर्न पोल्यान्ड सरकारसँग काम गरिरहेको जनाएको छ । रुसी रक्षा मन्त्रालयले रूसी क्षेप्यास्त्रहरूले पोल्याण्डको …

बसको ठक्करबाट झापामा एक दम्पतीको मृत्यु

२९ कात्तिक , काठमाडौ । पूर्वपश्चिम राजमार्गअन्तर्गत झापाको कनकाई नगरपालिका–७ स्थित दुर्गापुर सडकखण्डमा भएको सवारी दुर्घटनामा परी आज अपराह्न अर्जुनधारा नगरपालिकाका एक दम्पतीको मृत्यु भएको छ ।
मृत्यु हुनेमा अर्जुनधारा–६ निवासी ५२ वर्षीय नरेन्द्र मैनाली र उनकी श्रीमती ५० वर्षीया सीतादेवी मैनालीको मृत्यु भएको जिल्ला ट्राफिक प्रहरी कार्यालय झापाले जनाएको छ ।
पूर्वबाट पश्चिमतर्फ आउँदै गरेको को १ ख ६७९४ नम्बरको बसले विपरीत दिशातर्फ जाँदै गरेको मे ७ प ५०९२ नम्बरको मोटरसाइकललाई ठक्कर दिँदा मोटरसाइकलमा सवार दम्पतीको मृत्यु भएको प्रहरीले जनाएको छ ।

नुवाकोटमा खुर्पा प्रहार गरी दुई जनाको हत्या गरेको अभियोगमा सोनाम पक्राउ

२९ कात्तिक , काठमाडौ । नुवाकोटको दुप्चेश्वर गाउँपालिका-५ भगेरी डाँडा बस्ने १९ वर्षीया सम्झना खतिवडा र उनकी छोरी ४ वर्षीया कृष्टिना खतिवडालाई धारिलो हतियार खुर्पा प्रहार गरी हत्या गरेको अभियोगमा सोही ठाउँ बस्ने २१ वर्षीय पुष्कल भन्ने सोनाम तामाङलाई मंगलबार बिहान प्रहरीले पक्राउ गरेको छ ।
सोनामले मृतकको घरमा गई सम्झना र कृष्टिना खतिवडालाई खुर्पा प्रहार गर्दा दुवै जनाको सोमबार राति घटनास्थलमै मृत्यु भएको भन्ने खबर प्राप्त हुनासाथ प्रहरी चौकी समुन्द्रटार र जिल्ला प्रहरी कार्यालय नुवाकोटबाट खटिएको प्रहरीले उनलाई घटनास्थल नजिकै रहेको जंगलमा लुकिछिपी बसेको अवस्थामा फेला पारी पक्राउ गरेको हो …

अछाम केन्द्रविन्दू भएर ४.२ रेक्टर स्केलको भूकम्प

२९ कात्तिक , काठमाडौ । अछाम जिल्लाको बाबाला केन्द्रविन्दू भएर भूकम्प गएको छ ।
राष्ट्रिय भूकम्प मापन तथा अनुसन्धान केन्द्र लैनचौरका अनुसार अछाम जिल्लाको बाबाला केन्द्रविन्दू भएर आज साँझ ६ बजेर ८ मिनेट जाँदा ४।२ रेक्टर स्केलको भूकम्प गएको हो ।
उक्त भूकम्प गोरखा भूकम्पको परकम्प नभएर नयाँ भूकम्प भएको सो केन्द्रले जनाएको छ । पछिल्लो समय देशको सुदूरपश्चिम र मध्यपश्चिम क्षेत्र केन्द्रविन्दू भएर भूकम्प जाने क्रम बढेको छ ।

चुनाव बिथोल्न माइकिङ गर्दै हिँड्ने ७ जना पक्राउ

२९ कात्तिक , काठमाडौ । चुनाव बिथोल्ने खालका अभिव्यक्ति माइकिङ गर्दै हिँड्ने ७ जनालाई महोत्तरी प्रहरीले नियन्त्रणमा लिएको छ।
प्रहरीले वलवा नगरपालिका-७ को बनौटा टोलमा निर्वाचन विरोधी गतिविधि अभिव्यक्ति माइकमार्फत प्रसारण गर्दै आएको आरोपमा उनीहरूलाई नियन्त्रणमा लिएको हो।
उनीहरू नेकपा क्रान्तिकारी माओवादी पार्टीका नेता कार्यकर्ता रहेको जिल्ला प्रहरी कार्यालय महोत्तरीले जनाएको छ। पक्राउ पर्नेमा सो पार्टीका केन्द्रीय सदस्य विरेन्द्र यादव, राजेश्वर यादवलगायतका ६ जना र गाडी चालक रहेको महोत्तरीका एसपी कृष्ण पंगेनीले जानकारी दिए।
चुनाव विरोधी पर्चा तथा माइकिङ सामग्री समेत नियन्त्रणमा लिएको उनीहरुमाथि थप अनुसन्धान भइरहेको एसपी पंगेनीले बताएका छन्।

भानुभक्त ढकालले अस्पतालको शिलान्यास गरेको ठाउँमा ”तोरी खेती”

२९ कात्तिक , काठमाडौ ।  मोरङको सुन्दरहरैचा– ११ कर्जुनामा प्रदेश नं.१ स्तरीय प्रादेशिक सरुवा रोग अस्पताल निर्माण अलपत्र बनेको छ । तत्कालीन पर्यटन मन्त्री भानुभक्त ढकालले शिलान्यास गरेको उक्त ५० शय्याको प्रादेशिक सरुवा अस्पताल अलपत्र परेको हो ।
धरानको बिपी कोइराला स्वास्थ्य विज्ञान प्रतिष्ठानको नाममा रहेको १४ बिघा जग्गा मध्ये ५ बिघा क्षेत्रफलमा उक्त अस्पताल बनाउन प्रतिष्ठानले अनुमति दिएको थियो । प्रतिष्ठानले जग्गा उपलब्ध गराएसँगै तत्कालीन मन्त्री ढकालले २०७७ माघ १९ गते उक्त भवन निर्माणको शिलान्यास गरेका थिए ।
तर निर्माण हुने भनिएको अस्पताल शिलान्यास पछि अलपत्र बनेको छ । अहिले उक्त …


This will close in 20 seconds