गैँडाकोट नगरपालिका –१२, हर्कपुरस्थित दुई वटा बस एकआपसमा ठोक्किँदा १८ जना घाइते भएका छन् ।
शनिबार बिहान करिब ६:५० बजेको समयमा गैँडाकोट नगरपालिका–१२, हर्कपुरस्थित पूर्व–पश्चिम राजमार्गमा नारायणगढबाट बुटवलतर्फ आउँदै गरेको लु.२ ख ६४५७ नम्बरको बसलाई सोही दिशातर्फ आउँदै गरेको लु.२ ख ६०३६ नम्बरको बसले पछाडिबाट ठक्कर दिएको थियो ।
दुर्घटनामा दुवै बसमा सवार १८ जना घाइते भएका छन् । घाइतेहरूलाई उपचारका लागि भरतपुरतर्फ पठाइएको छ । दुर्घटना परी घाइते हुनेहरूको नामावली निम्नानुसार रहेकाे छ:
लु २ ख ६४५७ नं.को बसमा सवार:-
१.जिल्ला कालिकोट तिलागुफा न.पा. -०३ बस्ने वर्ष अं. ३६ को धनमान हमाल, (पुरानो …

सशस्त्र प्रहरी महानिरीक्षक नारायणदत्त पौडेलले कर्तव्य निर्वाहको सिलसिलामा भोटेकोशी बाढीमा परी मृत्युवरण गरेका सशस्त्र प्रहरी जवान साजन कुँवरप्रति श्रद्धाञ्जली अर्पण गरेका छन् ।
महानिरीक्षक पौडेलले नुवाकोटको लिखु गाउँपालिका–१ बरफेदीस्थित कुँवरको निवासमा परिवारजनसँग भेटगरी समवेदना प्रकट गरेका सशस्त्र प्रहरीका सहप्रवक्ता शैलेन्द्र थापाले जानकारी दिए ।
महानिरीक्षक पौडेलले बाढीमा परी बेपत्ता सशस्त्र प्रहरी सहायक हवल्दार आशिष पौडेलका परिवारजनसँग पनि भेटगरी सहानुभूति व्यक्त गरेका छन् । उनले आशिषलगायत बेपत्ता सम्पूर्ण सशस्त्र प्रहरी कर्मचारीको खोज तथा उद्धारमा लागिरहेको स्पष्ट पारे । रसुवा बाढीमा परी सशस्त्र प्रहरी बलका १३ जना सम्पर्कविहीन भएका थिए ।

काठमाडौं । देशका विभिन्न स्थानमा आएको विनाशकारी बाढीपछि हजारौं नेपाली नागरिक पीडा र संकटमा परेका छन्।
कसैले आफ्नो घर गुमाएका छन्, कसैले जीवनभरको कमाइ गुमाएका छन् भने कतिपयले आफ्नै परिवारका सदस्यसमेत गुमाउनुपरेको छ।
रसुवा लगायतका बाढी प्रभावित क्षेत्रका धेरै परिवार अहिले निकै कठिन अवस्थामा छन्।
बाढीले घर, सम्पत्ति र आवश्यक सामग्री बगाएपछि कतिपय परिवार राहत र सहयोगको प्रतीक्षामा छन्। साना बालबालिकादेखि वृद्धवृद्धासम्म प्रभावित भएका छन्।
एकातिर बाढीपीडितहरू सुरक्षित बसोबास, खाना र आवश्यक सामग्रीको अभावमा कठिन समय बिताइरहेका छन् भने अर्कोतर्फ देशका विभिन्न ठाउँमा जनैपूर्णिमा तथा नजिकिँदै गरेको तीजका अवसरमा चाडपर्वको रौनक पनि देखिन थालेको …

रसुवाको टिमुरेमा आएको बाढीबाट ज्यान जोगाउन सफल भएकाहरूको भिडियो मार्फत अवस्थाको विषयमा जानकारी आउन थालेको छ।
बिहान रसुवामा आएको बाढीको वितण्डाबाट जोगिएका स्थानीय सञ्जीव श्रेष्ठ र प्रहरी सहायक हवल्दार तारा केसीले सामाजिक सञ्जालमा भिडियो कैद गरेर सार्वजनिक गरेका छन्। उनीहरुले सार्वजनिक गरेका दृश्यहरूले त्यहाँको भयावह स्थिति देखाएको छ ।
सञ्जीव श्रेष्ठको सन्देशस् ‘७५ प्रतिशत मानिस बाढीमा पुरिएका हुन सक्छन्’ । बाढी आएपछि भागेर जङ्गलमा पुगेका स्थानीय सञ्जीव श्रेष्ठले केही समयपछि टिमुरेको माथिल्लो भाग पुगेका छन् । उनका अनुसार बिहान ८ः५३ बजे एक्कासि आएको बाढीले टिमुरे बजारमा अपूरणीय क्षति पुर्‍याएको छ ।
‘अत्यन्तै दुखद …

सरकारले रसुवागढी र भोटेकोशी नदीको तटीय क्षेत्रमा आएको भीषण बाढीमा परी ज्यान गुमाउनेका परिवारलाई तत्काल आर्थिक सहायता उपलब्ध गराउने निर्णय गरेको छ ।
मन्त्रिपरिषद्को आकस्मिक बैठकपछि सरकारका प्रवक्ता एवं शिक्षामन्त्री सस्मित पोखरेलले मृतकका परिवारलाई प्रचलित कानुन बमोजिमको राहत तथा क्षतिपूर्ति रकम उपलब्ध गराउने निर्णय भएको जानकारी दिए । सरकारले मृतकप्रति श्रद्धाञ्जली व्यक्त गर्दै शोकमा परेका परिवारलाई आर्थिक मलमपट्टि लगाउन यो कदम चालेको हो ।
क्षतिपूर्ति रकमका साथै बाढीमा घाइते भएकाहरूको सरकारी अस्पतालमा निःशुल्क उपचार गर्ने र घरबास गुमाएकाहरूलाई सुरक्षित स्थानमा गाँसबासको व्यवस्था मिलाउने जिम्मेवारी गृह मन्त्रालयलाई दिइएको छ ।
पुनर्निर्माण र दीर्घकालीन राहतका …

भाद्र ८ , काठमाडौ । शंखमुलको भ्याली होस्टलमा युवक हत्या प्रकरणमा पक्राउ परेका तीन जनालाई प्रहरीले सार्वजनिक गरेको छ ।
दाङ घर भएका २२ वर्षीय वसन्त कालाथोकीको हत्यामा संलग्न भएको आरोपमा पक्राउ परेका तीन जनालाई जिल्ला प्रहरी परिसर काठमाडौंले आइतबार सार्वजनिक गरेको हो ।
५ भदौको बिहान १० बजेतिर कालाथोकीमाथि चक्कु प्रहार भएको थियो । उपचारका लागि सिभिल अस्पताल लगिएकोमा चिकित्सकले मृत घोषणा गरेका थिए । कालाथोकी हत्या प्रकरणमा प्रहरीले बाराको कलैया–३ का १९ वर्षीय शेखर यादव १९ वर्षकै प्रमित पटेललाई पक्राउ गरेको थियो । उनीहरु पनि उक्त होस्टलमा बस्ने व्यक्ति हुन् …

प्रधानमन्त्री वालेन्द्र शाह केहीबेरअघि यहाँबाट काठमाडौँका लागि प्रस्थान गरेका छन् ।
प्रधानमन्त्री शाह परिवारका सदस्यसहित शनिबार यहाँ आएका थिए । शनिबारअपराह्न उनले मुक्तिनाथको पूजार्चना गरेका थिए ।
जिल्ला प्रहरी कार्यालयका सूचना अधिकारी निरीक्षक सन्तोष बस्यालका अनुसार प्रधानमन्त्री शाह जोमसोम–बेनीमार्गबाट सङ्घीय राजधानीतर्फ प्रस्थान गरेका हुन् ।

काठमाडौँको शंखमुलमा शुक्रबार २२ वर्षीय वसन्त कालाखेतीलाई दुईजना मिलेर धारिलो हतियार प्रहार गरेर हत्या गरे ।
महानगरपालिका वडा नम्बर–१० स्थित शंखमुलमा सञ्चालित भ्याली ब्वाईज होस्टलमा बस्ने २२ वर्षीय कालाखेती दाङको घोराही उपमहानगरपालिका–१७ का स्थानीय हुन् ।
छोराको हत्या भएको खबर थाहा पाएपछि दाङमा उनकी आमाले प्राण त्यागेकी छिन् । छोराको हत्या भएको खबर थाहा पाएपछि सिलिङ फ्यानमा पासो लगाएर झुन्डेको अवस्थामा ३८ वर्षीया बिना कालाथोकीको शव भेटिएको जिल्ला प्रहरी कार्यालय दाङका डीएसपी डा। हेम केसीले बताए । उनको शव पोष्टमार्टमका लागि राप्ती स्वास्थ्य विज्ञान प्रतिष्ठानमा राखिएको छ ।
उनका श्रीमान् वैदेशिक रोजगारीका लागि …

५ भाद्र , काठमाडौ । काठमाडौंको शंखमुलस्थित भ्याली ब्वाइज होस्टलमा भएको झगडामा घाइते भएका एक युवकको मृत्यु भएको छ। काठमाडौं महानगरपालिका-१० शंखमुलको उक्त होस्टलमा बस्ने दाङ घोराही उपमहानगरपालिका- १७ का २२ वर्षीय वसन्त कालाथोकीको मृत्यु भएको हो।
उनीमाथि सोही होस्टलमा बस्ने बाराको कलैया उपमहानगरपालिका ३ का १८ वर्षीय शेखर यादव र २ण् वर्षका प्रमित पटेलले धारिलो हतियार प्रहार गरी कुटपिट गरेका थिए।
घटनामा गम्भीर घाइते भएका कालाथोकीलाई उपचारका लागि मीनभवनस्थित निजामती कर्मचारी अस्पताल लगिएको थियो। टाउको र घाँटीमा गम्भीर चोट लागेका उनको उपचारको क्रममा चिकित्सकले मृत घोषणा गरेको प्रहरीले जनाएको छ।
घटनामा संलग्न …