०५ साउन , काठमाडौ । रूखमा लुकाएर राखेको अवस्थामा बन्दुक फेला परेको छ।
रूखमा लुकाएर राखेको अवस्थामा एउटा भरूवा बन्दुक फेला परेको हो। गौरीगंगा नगरपालिका ८ बढैयापुरस्थित शिवशक्ति सामुदायिक वनभित्रको एउटा सालको रूखमा लुकाएर राखेको अवस्थामा प्रहरीले बन्दुक फेला पारेको हो।
एक नाले भरूवा बन्दुक फेला परेको हो। निमित्त प्रहरी प्रवक्ता प्रहरी निरीक्षक कैलाश बिष्टका अनुसार त्यो बन्दुक सोही वडाको देउराली टोलका २९ वर्षीय पदम दर्लामी मगरको भएको खुलेपछि उनलाई नियन्त्रणमा लिइएको छ।
पक्राउ परेका मगरमाथि आवश्यक अनुसन्धान भइरहेको प्रहरीले जनाएको छ।
