भाद्र ८ , काठमाडौ । शंखमुलको भ्याली होस्टलमा युवक हत्या प्रकरणमा पक्राउ परेका तीन जनालाई प्रहरीले सार्वजनिक गरेको छ ।
दाङ घर भएका २२ वर्षीय वसन्त कालाथोकीको हत्यामा संलग्न भएको आरोपमा पक्राउ परेका तीन जनालाई जिल्ला प्रहरी परिसर काठमाडौंले आइतबार सार्वजनिक गरेको हो ।
५ भदौको बिहान १० बजेतिर कालाथोकीमाथि चक्कु प्रहार भएको थियो । उपचारका लागि सिभिल अस्पताल लगिएकोमा चिकित्सकले मृत घोषणा गरेका थिए । कालाथोकी हत्या प्रकरणमा प्रहरीले बाराको कलैया–३ का १९ वर्षीय शेखर यादव १९ वर्षकै प्रमित पटेललाई पक्राउ गरेको थियो । उनीहरु पनि उक्त होस्टलमा बस्ने व्यक्ति हुन् …

जिल्ला नवलपरासी (बर्दघाट सुस्ता पूर्व) को गैँडाकोट नगरपालिका-१४, भागरबाट हराएका साढे दुई वर्षीय बालकलाई दुई दिनपछि सामुदायिक वनबाट सकुशल उद्धार गरिएको छ।
भदौ २ गते बिहान करिब ७ बजे भागर निवासी हेमकुमारी आले घरनजिकै रहेको शंखदेवी सामुदायिक वनमा च्याउ टिप्न गएकी थिइन्। उनी घर फर्किँदा उनका नाति साढे दुई वर्षीय शिवान तामाङ घरमा नभएको पाइएको थियो।
स्थानीय बासिन्दा तथा छरछिमेकीले वन क्षेत्रमा खोजतलास गर्दा पनि बालक फेला नपरेपछि इलाका प्रहरी कार्यालयमा निवेदन परेको थियो। बालकको खोजीका लागि स्थानीय बासिन्दासँगै इलाका प्रहरी कार्यालय गैँडाकोट, इलाका प्रहरी कार्यालय रजहर तथा अस्थायी प्रहरी पोस्ट बेल्डियाबाट …

काठमाडौं । तारकेश्वर नगरपालिका–६ स्थित शिवमन्दिर क्षेत्रमा नेपाल प्रहरी र ट्राफिक प्रहरीले सवारी साधन तथा चालकको कडाइका साथ चेकिङ थालेका छन्।
पछिल्लो समय तारकेश्वर क्षेत्रमा सवारी दुर्घटनाका घटना बढ्दै गएपछि दुर्घटना न्यूनीकरण तथा सडक सुरक्षा कायम गर्ने उद्देश्यले प्रहरीले निगरानीलाई तीव्र बनाएको हो।
संयुक्त चेकिङका क्रममा प्रहरीले लापसेसहित एक जनालाई नियन्त्रणमा लिएको जनाएको छ। चेकिङका क्रममा शंकास्पद गतिविधि तथा सडक सुरक्षामा जोखिम निम्त्याउने अवस्थामाथि प्रहरीले विशेष निगरानी राखेको थियो।
धर्मस्थली प्रहरी प्रभागका प्रमुख यमबहादुर थापाका अनुसार पछिल्लो समय क्षेत्रमा दुर्घटनाका घटना बढ्दै गएकाले दुर्घटना न्यूनीकरण, सवारी अनुशासन कायम तथा सम्भावित जोखिम नियन्त्रणका लागि …

०५ साउन , काठमाडौ । रूखमा लुकाएर राखेको अवस्थामा बन्दुक फेला परेको छ।
रूखमा लुकाएर राखेको अवस्थामा एउटा भरूवा बन्दुक फेला परेको हो। गौरीगंगा नगरपालिका ८ बढैयापुरस्थित शिवशक्ति सामुदायिक वनभित्रको एउटा सालको रूखमा लुकाएर राखेको अवस्थामा प्रहरीले बन्दुक फेला पारेको हो।
एक नाले भरूवा बन्दुक फेला परेको हो। निमित्त प्रहरी प्रवक्ता प्रहरी निरीक्षक कैलाश बिष्टका अनुसार त्यो बन्दुक सोही वडाको देउराली टोलका २९ वर्षीय पदम दर्लामी मगरको भएको खुलेपछि उनलाई नियन्त्रणमा लिइएको छ।
पक्राउ परेका मगरमाथि आवश्यक अनुसन्धान भइरहेको प्रहरीले जनाएको छ।

काठमाडौं — शिवपुरी राष्ट्रिय निकुञ्ज क्षेत्रभित्र एक महिलाको हत्या गरी गाडिएको अवस्थामा शव फेला परेको छ।
जंगलमा भेटिएको उक्त शव तारकेश्वर नगरपालिका–३, तीनपिप्लेकी ४५ वर्षीया सरिता तिवारीकै भएको प्रहरीले पुष्टि गरेको छ।
जिल्ला प्रहरी परिसर काठमाडौंका एसपी पवनकुमार भट्टराईका अनुसार तिवारी वैशाख ११ गते घरबाट बजार जाने भन्दै निस्केकी थिइन्।
बेलुकासम्म घर नफर्केपछि परिवारले भोलिपल्ट प्रहरीमा जानकारी गराएको थियो, त्यसपछि खोजी अभियान सुरु गरिएको थियो।
अनुसन्धानका क्रममा तिवारीसँग एक व्यक्तिको सम्पर्क देखिएपछि प्रहरीले टोखा नगरपालिका–२ का ३५ वर्षीय अनिल डंगोललाई नियन्त्रणमा लिएको थियो।
प्रारम्भिक सोधपुछका क्रममा उनले नै हत्या गरी शव जंगलमा गाडेको स्वीकार गरेको …

काठमाडौं, तारकेश्वर — तारकेश्वर नगरपालिका वडा नं. ८ गैरी गाउँस्थित शिवमन्दिर नजिकै रहेको प्रतीक्षालयमा आज बिहान एक पुरुष मृत अवस्थामा फेला परेका छन्।
स्थानीयका अनुसार बिहानै उक्त व्यक्तिलाई अचेत अवस्थामा देखेपछि प्रहरीलाई खबर गरिएको थियो।
धर्मस्थली प्रहरीका नायव निरीक्षक भुवन जर्गा मगर घटनास्थलमा पुग्दा ती पुरुष अचेत अवस्थामा रहेको पुष्टि भएपछि थप अनुसन्धानका लागि बालाजु प्रहरी वृत्तलाई जानकारी गराइएको थियो।
मृतकको परिवारलाई घटनाबारे जानकारी गराइसकिएको प्रहरीले जनाएको छ। प्रारम्भिक जानकारी अनुसार मृतकको परिवारको आर्थिक अवस्था कमजोर रहेको बताइएको छ।
यसबीच केही सहयोगी मनहरूले मृतक परिवारलाई आर्थिक सहयोगसमेत गरेका छन्।
घटनास्थलमा मुचुल्का उठाउने तयारी भइरहेका बेला …

११६औं अन्तर्राष्ट्रिय महिला दिवसको अवसरमा प्रहरी श्रीमती संघकी अध्यक्ष नविना खत्री कार्कीबाट जारी शुभकामना सन्देश
सामाजिक सेवामा क्रियाशिल रहेर समाजमा देखा परेका विकृती र विसंगतीका विरुद्ध जनचेतनामूलक कार्यक्रमहरु संचालन गर्दै समाजलाई सृजनात्मक एवं सकारात्मक बाटोमा अघि बढाउँदै राष्ट्र विकासको मुल प्रवाहमा सरिक भई विभिन्न कार्यक्रमहरु मार्फ प्रेरणा र सन्देशहरु दिदै आईरहेको नेपाल प्रहरीको अनुकरणीय उदाहरणको रुपमा रहेको यस सेवाभावी संस्था नेपाल प्रहरी श्रीमती संघको तर्फबाट ११६ औं अन्तर्राष्ट्रिय महिला दिवसको आजको यस विशेष र गरिमामय अवसरमा देश तथा विदेशमा रहनु भएका सम्पूर्ण दिदि बहिनी तथा दाजुभाईहरुमा सुख, शान्ति, समृद्धि र उच्च …

डलर साटिदिने प्रलोभन देखाएर सर्वसाधारणलाई ठगी गर्ने एक व्यक्तिलाई प्रहरीले नियन्त्रणमा लिएको छ।
काठमाडौँको नागार्जुन नगरपालिका ७, रत्नराज्य स्कुल नजिकैको जङ्गलमा डलर साटिदिने भन्दै पटक–पटक फोन गरेर बोलाइरहेको विशेष सूचनाका आधारमा प्रहरी वृत्त स्वयम्भूको टोलीले अपरेशन चलाएको थियो।
िपसलेहरूलाई फोन गरी डलरको प्रलोभन देखाउने र डलरकै आकारमा काटिएका कागजका बिटाहरू भिराएर ठगी गर्ने कार्यमा संलग्न ५१ वर्षीय देव बहादुर तामाङलाई प्रहरीले पक्राउ गरेको हो। सिन्धुपाल्चोकको बाह्रबिसे नगरपालिका ६ घर भएका तामाङलाई प्रहरीले चन्द्रागिरी नगरपालिका १३, पुरानो नैकापस्थित उनकै डेरा कोठाबाट नियन्त्रणमा लिएको हो।
प्रहरीले उनको कोठामा खानतलासी गर्दा ५० दरका ५ थान अमेरिकी …

काठमाडौं । टोखा नगरपालिका वडा नम्बर–३ स्थित भत्केको पुल नजिक सञ्चालन हुँदै आएको अवैध घरेलु रक्सी उत्पादनस्थलमा नयाँ बसपार्क प्रहरी प्रभागको टोलीले छापा मारेको छ।
नेपाल प्रहरीलाई प्राप्त गोप्य सूचनाका आधारमा गरिएको छापाका क्रममा ठूलो परिमाणमा अवैध सामग्री बरामद गरिएको प्रहरीले जनाएको छ।
प्रहरीका अनुसार करिब १० हजार लिटर अवैध घरेलु रक्सी, ९ हजार किलोग्राम गहुँ र कोदोको कच्चा पदार्थ तथा रक्सी पकाउने ३ सेट भाँडाकुँडा बरामद गरिएको हो।
बसपार्क प्रहरी प्रभागका अनुसार यो कारबाही हालसम्मकै सबैभन्दा ठूलो परिमाणको बरामद मानिएको छ। अवैध गतिविधि नियन्त्रणमा लिएको भन्दै स्थानीयवासीहरूले प्रहरीको सक्रियताप्रति धन्यवाद व्यक्त गरेका …