Ishwor Dulal 
काठमाडौँ: बागमती प्रदेश प्रहरी कार्यालय हेटौंडाका प्रमुख प्रहरी नायव महानिरीक्षक कृष्ण हरि शर्माले जिल्ला प्रहरी कार्यालय सिन्धुलीको निरीक्षण तथा भ्रमणको सिलसिलामा सिन्धुली पुगेर उहाले भवन, पेरिमिटर, हिरासत कक्ष, कार्यालयको अभिलेखीकरण निरीक्षण गर्नु भएको छ ।
निरीक्षणको क्रममा जिल्ला प्रहरी कार्यालय सिन्धुलीका प्रमुख प्रहरी उपरीक्षक गोविन्द राज काफ्लेले जिल्लाको समग्र शान्ती सुरक्षा तथा अपराधको बारेमा प्रस्तुतीकरण गर्नु भएको थियो । भने डिआईजी कृष्ण हरि शर्माले सिन्धुली प्रहरी कार्यालयबाट सम्पादित राम्रो कार्यहरुको प्रशंसा, सुधार गर्नु पर्ने कार्यहरु बारेमा आवश्यक निर्देशन दिनु भएको थियो।
साथै सोहि अवसरमा कार्यालय तथा मातहत समेतमा कार्यरत प्रहरी कर्मचारीहरुलाई राज्यले सुम्पिएका महत्वपुर्ण कर्तव्य निर्वाह गर्न कटिबद्ध भई लाग्नुपर्ने, यस संगठनलाई सकारात्मक सोच लिई अनुशासित,चुस्त दुरुस्त हुनुका साथै प्रहरी आचरण व्यवहारमा अझ बढी नागरीक मैत्री हुनु पर्ने बिषयमा आफ्नो आवश्यक अमुल्य निर्देशन सम्बोधन समेत गर्नु भएको थियो ।
