आखाँहरु यतै कतै देखे जस्तो लाग्छ
हिजो अस्ति कतै भेटे जस्तो लाग्छ
दोबाटोमा हिडदा हिडदै मिले जस्तो लाग्छ
आखाँहरु किन किन आफ्नै जस्तै लाग्छ।।
क्षितिजबाट मलाईनै हेरेको जस्तो लाग्छ
जूनबाट मलाईनै खोजेको जस्तो लाग्छ
मध्यरातमा कतै कही भेटे जस्तो लाग्छ
आँखाहरु किन किन आफ्नै जस्तो लाग्छ।।
कहिँ कुनै आँखाहरुले खोजे जस्तो लाग्छ
मन भित्र धेरै कुरा खेलेको जस्तो लाग्छ
मौनतमाआँखाहरु आफ्नै लागी खोजिरहन्छु
कतै छन आँखाहरु आफ्नै जस्तो लाग्छ।।
हेर्दा कहिल्यै नथाकिने आखाँहरु कता छन
कल्पनामा घुमाई रहने मनहरु कता छन
अध्यारोमा आफैमा खोजिरहन्छु आँखाहरु
आकासमा कतै छन आफ्नै जस्तो लाग्छ।।
जुनसगै उदाएकी मदहोसका रङ्गहरुमा
घामसगै उदाएकी उमंंङका स्वरहरुमा
मनभित्र आभास हुन्छ गीतका लयहरु
आफ्नैझै बोलिदिन्छन रोजिएका आँखाहरु।
