२५ जेठ, काठमाडौ । हेटौंडामा जुवा खेलिरहेको अवस्थामा प्रहरीले ५ जनालाई पक्राउ गरेको छ ।
मंगलबार हेटौंडा उपमहानगरपालिका वडा नम्बर–४ स्थित रुस्तम कोईरालाको डेरामा जुवा खेलिरहेको अवस्थामा उनीहरुलाई नगद २८ हजार रुपैयाँसहित पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा डेरावाला बर्ष ४० का रुस्तम कोईराला, हेटौंडा–४ बस्ने बर्ष ५४ को अमर प्रधान, बर्ष ४० का प्रकाश मानान्धर, बर्ष ३३ का बिनोद घर्ती र चितवनको भरतपुर महानगरपालिका वडा नम्बर–६ बस्ने बर्ष ४४ का सुरेश पौडेल रहेको जिल्ला प्रहरी कार्यालय मकवानपुरका प्रवक्ता प्रहरी नायव उपरिक्षक जयश्वर रिमालले जानकारी दिए ।
उनीहरुको साथबाट नगद २८ हजार रुपैयाँसहित ६ बुक तास फेला परेको प्रहरीले जनाएको छ । उनीहरुलाई नगदसहित नियन्त्रणमा लिई जुवा मुद्दा दर्ता गरी म्याद थप गर्ने तयारी भइरहेको प्रवक्ता रिमालले बताए ।
घटनाबारे थप अनुसन्धान भईरहेको प्रहरीले जनाएको छ ।
