१२ जेठ ,काठमाडौ । बाराको जितपुरसिमरा उपमहानगरपालिका वडा नं १ पथलैया चोक स्थित प्रहरी चौकी पथलैया बाराबाट खटिएको प्रहरी टोलीले २१८ किलो अवैध लागू औषध गाँजा सहित २ जना पक्राउ गरेको छ ।

पक्राउ पर्नेमा जिल्ला महोत्तरी बर्दिवास नगरपालीका वडा न. ८ बस्ने बर्ष ३३ को घनश्याम गिरीले काठमाण्डौबाट भारतको बरौलीमा तेल लिन जानको लागि चलाई ल्याएको ना ४ ख २९७९ न. को खाली ट्यांङकरमा लुकाई छिपाई गाँजा लगिरहेको भन्ने गोप्य सूचना प्राप्त भएअनुसार चेकजाँच गर्ने क्रममा उक्त ट्याङकरको च्याम्बर भित्र लुकाई छिपाई रातो प्लाष्टिकमा पोका बनाई राखेको २१८ किलो ग्राम (१९ पोका) अबैध लागु औषध गाजाँ बरामद गीरएको हो । 

उक्त ट्याङकरका चालक घनश्याम गिरी तथा सह(चालक जिल्ला चितवन खैरहनी न पा २ बस्ने राजकुमार दवाडि सहित ट्याङकर समेत नियन्त्रणमा लिई थप अनुसन्धान भइरहेको जिल्ला प्रहरी कार्यालय बाराका प्रहरी नायब उपरीक्षक गौतम मिश्राले जानकारी दिनुभयो ।