admin@news24galaxy.com 
२५ जेठ, काठमाडौ । आर्थिक अनियमितता लगायतका विषयमा उजुरी परेपछि नसियतसहित कारवाहीमा परेका महानगरीय प्रहरी बृत्त सोह्रखुट्टे प्रमुख डीएसपी दिपक खड्कामाथि छानबिन शुरु भएको छ।
महानगरीय प्रहरी आयुक्तको कार्यालय रानीपोखरीका अनुसार, एसपी श्याम चौधरीको नेतृत्वमा ५ सदस्यीय छानबिन समिति गठन गरी खड्कामाथि छानविन थालिएको हो ।
कार्यालयमा आउने सेवाग्राहीलाई चुस्त सेवा नदिएको तथा निषेधाज्ञाको समयमा पनि ठमेलमा रात्रिकालीन व्यवसाय सञ्चालन गर्न दिने गरेको जस्ता आरोपमा नसियत पाएका डीएसपी खड्का माथि अनुसन्धान अघि बढाइएको कार्यालयका प्रमुख एआईजी हरि पालले बताए ।
एआईजी पालले भने, ‘उसका बारेमा धेरै गुनासो आएपछि हामीले गुनासोलाई भेरिफाई गरेको हो, त्यसो गर्दैजाँदा उनी दोषी देखिएएपछि हामीले रेकर्डमा जनिने गरी नैसियत दिएका थियौँ। अहिले एसपीको नेतृत्वमा समिति गठन गरेर छानविन भइरहेको छ ।’
डीएसपी माथि छानविन गर्न उक्त समितिलाई एक साताको म्याद दिइएको छ । विगत १६ महिनादेखि साह्रखुट्टेमा कार्यरत खड्का कारवाहीमा परेपछि उनलाई महानगरीय प्रहरी परिसर काठमाडौँमा तानिएको छ ।
