admin@news24galaxy.com 
६ असार, काठमाडौ । बाराको सिमरास्थित जगदम्बा स्टिल इन्डस्ट्रिज उद्योगमा आगलागी हुँदा दुई भारतीय मजदुरको मृत्यु भएको छ । आगोले जलेर तीन जना घाइते भएका छन् ।
मृत्यु हुनेमा भारतको बिहार पश्चिम चम्पारणका ४० वर्षका प्रदीप गोंढ र बिहारकै सिमान जिल्लाका ४५ वर्षका रामनाथ महतो रहेको जिल्ला प्रहरी कार्यालय बाराले जनाएको छ ।
रामकुमार विक, ईन्द्रप्रसाद अधिकारी, नवराज चौलागाँई र अवधेस कुसवाहा जलेर घाइते भएका छन् । उनीहरूमध्ये विकको अवस्था गम्भीर छ । उनलाई थप उपचारका लागि वीरगञ्ज लगिएको प्रहरीले जनाएको छ ।
तीन जनाको सिमराकै तराइ अस्पतालमा उपचार भइरहेको बाराका प्रहरी नायब उपरीक्षक गौतम मिश्रले जानकारी दिए ।
पाइप वेल्डिङ्ग गर्ने क्रममा विद्युत सर्ट भएर आगलागी भएको जनाइएको छ । घटनाको थप अनुसन्धान जारी रहेको प्रहरीले जनाएको छ ।
