१९ बैशाख , काठमाडौं । शहीद स्मारक सी डिभिजन लिगमा पुलचोक स्पोर्ट्स क्लबले पहिलो जित निकालेको छ ।
ललितपुरको सातदोबाटोस्थित एन्फा कम्प्लेक्समा सोमबार बिहान भएको खेलमा पुलचोकले रानीवन स्पोर्ट्स क्लबलाई १–० गोल अन्तरले पराजित गरेको हो ।
पुलचोकको जितमा सौरभ तामाङको गोल नै निर्णायक बन्यो । खेलको ५२ औँ मिनेटमा पुलचोकका लागि सौरभले गोल गरेका हुन् ।
तामाङ म्यान अफ द म्याच समेत घोषित भए । आज हुने दोस्रो खेलमा आरसी ३२ फुटबल एकेडेमी र समाज कल्याण खेलकुद केन्द्र दिउँसो पौने १ बजे आमने सामने हुनेछन् ।
मनोहरा युनाइटेड क्लब र ओएसिस क्लब दिउँसो ४ बजे भिड्नेछन् । आरसी ९ अंकसहित अंक तालिकाको दोस्रो स्थानमा छ भने समाज ६ अंकसहित सातौँ स्थानमा छ ।
मनोहरा ४ अंकसहित ९ औँ स्थानमा छ । अंकविहीन ओएसीस १३ औँ स्थानमा छ ।
