२४ बैशाख , काठमाडौं । बाँके जिल्लाको नेपालगञ्ज उपमहानगरपालिका -१५ पिप्रहवास्थित सीमा ईलाकाबाट शुक्रबार सशस्त्र प्रहरीले करीब १ लाख १२ हजार रुपैयाँ बराबरको चोरीपैठारीको लत्ताकपडा बरामद गरेको छ ।
भारतबाट अवैध रुपले ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर ३० गण बाँकेबाट खटिएको सशस्त्र प्रहरीले बरामद गरेको हो ।
यसैगरी सशस्त्र प्रहरी बल नेपाल बिओपी रानीबाट खटिएको सशस्त्र प्रहरीले शुक्रबार करीब १ लाख १० हजार रुपैयाँ बराबरको चोरीपैठारीको लत्ताकपडा बरामद गरेको छ ।
भारतबाट अवैध रुपले ल्याउँदै गरेको उक्त लत्ताकपडा सशस्त्र प्रहरीले मोरङ जिल्लाको बिराटनगर महानगरपालिका १५ रानी बसर्पाक ईलाकाबाट बरामद गरेको हो ।
बरामद लत्ताकपडा स्थानीय भन्सार कार्यालयमा बुझाइएको जनाएको छ ।
