४ जेठ , काठमाडौं । पोखरा महानगरपालिकामा गठबन्धनबाट उम्मेदवार बनेका नेकपा एकीकृत समाजवादीका उम्मेदवार धनराज आचार्यले मेयर पदमा आफ्नो अग्रता कायम राखेका छन् । ३१ हजार मत गन्दा धनराजले १२ हजार ९४५ मत सहित अग्रता बनाउन सफल भएका हुन् । गठबन्धनबाटै उपप्रमुखमा उम्मेदवार रहेकी कोपिला रानाभाटले १३ हजार २३३ मत ल्याएकी छन् ।
उनीहरुका निकटतम प्रतिद्वन्द्वी नेकपा एमालेका कृष्ण थापा र मञ्जुदेवी गुरुङ्गले क्रमश: ११ हजार १५० र १२ हजार ७२८ मत ल्याएका छन् । पोखरामा लौरो चुनाव चिन्ह लिएर उठेका उम्मेदवार भने ७३६ मतमा सीमित बनेका छन् ।
