३ असार , काठमाडौँ । स्कुल हिँडेकी एक शिक्षिकाकाे शव नुवाकोटको तादी गाउँपालिका–४ स्थित तादी खाेलामा भेटिएकाे छ ।
सुन्दरा मावि सातबीसेकी शिक्षिका राधिका आचार्य स्कुटरमा विद्यालय जानेक्रममा खोलामा खसेकाे अनुमान छ ।
आचार्यको शव तादी खोलामा भेटिएको जिल्ला प्रहरी कार्यालय नुवाकोटका डिएसपी रुपक खड्काले जानकारी दिए । उनको स्कुटर पनि खोलामा फेला परेको छ ।
उनी कसरी सडकबाट खोलामा खसिन् भन्ने नखुलेको र अनुसन्धान भइरहेको प्रहरीले जनाएको छ ।
