३० असार , काठमाडौँ । काठमाडौँको चावहिलमा ड्युटीमा खटिएका सादा पोशाकका प्रहरीलाई आक्रमण गरेको आरोपमा दुई जनालाई पक्राउ गरिएको छ । पक्राउ पर्नेमा सोह्रखुट्टे बस्ने सन्तोष भट्ट र राज थेवे छन् ।
चाबहिलको मेडिकेयर अस्पताल नजिकै सादा पोसाकमा खटिएका प्रहरीलाई उनीहरूले इट्टाले प्रहार गरेको प्रहरी वृत्त गौशालाका डिएसपी केशव भट्टराईले रातोपाटीलाई बताए । ३ जना प्रहरी र आरोपीहरूको बीचमा खुट्टा कुल्चेको विषयमा विवाद भएको थियो । ईट्टा प्रहारबाट दुई जना प्रहरीलाई चोट लागेको छ । आरोपीहरूलाई जिल्ला प्रशासन कार्यालयबाट म्याद लिएर प्रहरी वृत्त गौशालाले अनुसन्धान गरिरहेको छ ।
