आज जिल्ला ट्राफिक परिसर भक्तपुरले अरनिकाे राजमार्ग अन्तरगत भक्तपुरकाे सल्लाघारीमा (स्पीड जाँच गर्ने लेजर गन मेसिन) ले चेक गर्ने क्रममा मधेस प्रदेश ०२, ००१ झ ००१३ नम्बरको सरकारी गाडीलाई तीव्र गतिमा ट्राफिक प्रहरीले कारबाही गरेको उपत्यका ट्राफिक कार्यालयका एसएसपी राजेन्द्र भट्टले बताएका छन् । 
एसएसपी भट्टका अनुसार तीव्र गतिको कारण हुने दुर्घटनालाई न्यूनीकरण गर्न उपत्यकाका ट्राफिक प्रहरीहरु राडर गन सहित सडकमा खटिएका छन । अत्यधिक गतिमा सवारी चलाउँदा हुन सक्ने दुर्घटना नियन्त्रण गर्न राडर गन (स्पीड जाँच गर्ने लेजर गन मेसिन) प्रयोग गर्दै कारबाही थालिएको हो । 
कुन गाडी कति गतिमा गुडेको छ त्यसले गनमा अंक देखाउँछ र तस्बिर पनि खिच्ने भएकोले तत्काल स प्रमाणसहितको चिट दिई कारबाही गर्न पनि सहज भएको एसएसपीले बताए ।
राडार गनले सवारीको गति नापेर हेर्दा प्रतिघण्टा एक सय किलोमिटरसम्मको गतिमा सवारी कुदेको देखिएको छ, तीव्र गतिमा अधिकांश निजी कारहरू रहेका छन् भने सरकारी गाडी, मोटरसाइकल र स्कुल बस पनि कारबाहीमा परेका छन् ।
