१५ पुष , काठमाडौं । भारतीय क्रिकेटर ऋषभ पन्त कार दुर्घटनामा परेका छन् । उनी सवार कार शुक्रबार बिहान दिल्ली–देहरादुन राजमार्गमा दुर्घटना भएको हो ।
दुर्घटनामा परि पन्त घाइते भएको पूर्वक्रिकेटर भीभीएस लक्ष्मणले जानकारी दिएका छन् । २५ वर्षीय उनको टाउको र खुट्टामा चोट लागेको छ ।
डिभाइडरमा ठोक्किएपछि कारमा आगलागी भएको थियो । कार जलेर पूर्ण रूपमा नष्ट भएको समाचार संस्था एएनआईले जनाएको छ ।
