काठमाडौं । जिल्ला प्रहरी कार्यालय तनहुँले ज्यान मार्ने उद्योग कसूरमा मुद्दाका फरार अमृतप्रसाद भट्टराईलाई पक्राउ गरेको छ ।
जिल्ला अदालत तनहुँले २०५८ सालको भदौ ८ गतेको फैसलाले भट्टराईलाई ३ वर्ष २ महिना १७ दिन कैद भएको थियो । कैद भएपछि भट्टराई फरार रहेका थिए ।
भट्टराईलाई खोज तलास गर्ने क्रममा तनहुँको देवघाट गाउँपालिका वडा नं. १ देवघाटबाट पक्राउ गरिएको शुक्रबार जारी विज्ञप्तिमा उल्लेख छ ।
तनहुँको राईपुर वतन भएका भट्टराई बसाइसरी देवघाटमा बसोबास गर्दै आएका थिए । पक्राउ परेका भट्टराईलाई प्रहरीले शुक्रबार जिल्ला अदालत तनहुँमा पेश गरेको छ ।
