काठमाडौं। नेपाल प्रहरी प्रधान कार्यालयबाट ललितपुर जिल्ला प्रहरी प्रमुखको जिम्मेवारीमा सरुवा भएका प्रहरी बरिष्ठ उपरीक्षक (एसएसपी) शेखर खनालले ललितपुर प्रहरीको कमाण्ड सम्हालेका छन्। आज (आइतबार ) जाउलाखेल जिल्ला प्रहरी परिसर ललितपुरमा एसएसपी खनाललाई सलामीसहित बिशेष स्वागत गरेको छ।
केही दिनअघि गृह मन्त्रालयले खनाललाई ललितपुर प्रहरी प्रमुखमा सरुवा गरेको थियो ।
ललितपुर प्रहरी प्रमुख एसएसपी खनालले एसपी हुँदा जिल्ला प्रहरी कार्यालय धनुषा र जिल्ला प्रहरी कार्यालय गोरखामा प्रमुखको जिम्मेवारी सम्हालिसकेका छन्। डीएसपी हुँदा प्रहरी वृत्त कालिमाटीको नेतृत्व गरिसकेका छन्।
नेपाल प्रहरीमा निडर र ब्यबसायिक प्रहरी अधिकृतको परिचय बनाएका एसएसपी शेखर खनाल ललितपुर जिल्लाको सुरक्षा कमाण्ड सम्हालेपछि ललितपुर पुलिसिङमा ब्यापक परिवर्तन हुने अपेक्षा गरिएको छ ।
