काठमाडौं । भरुवा बन्दुक र लागुऔषधसहित उदयपुरबाट दुईजना पक्राउ परेका छन् ।
प्रहरी प्रधान कार्यालयका अनुसार पक्राउ पर्नेमा बेलका नगरपालिका–६ का २४ वर्षीय दिपेश राई र बेलका–९ का ३० वर्षीय भूपेन्द्र राई छन् ।
शुक्रबार दिउँसो उनीहरूलाई नियन्त्रणमा लिइएको प्रहरीले जनाएको छ ।
दिपेशको घर तलासी गर्दा ‘लोड’ गरेर राखिएको अवस्थामा भरुवा बन्दुक एकथान, त्यसमा लाग्ने बारुद, नियन्त्रित लागुऔषध ट्रामाडोल १२ चक्की र गाँजा ५१० ग्राम फेला पारी दुवैजनालाई पक्राउ गरिएको हो ।
