कास्की प्रहरीद्वारा पोखराबाट बन्दुक र मृगको छालासहित एक जनालाई पक्राउ -
Comments Add Comment

कास्की प्रहरीद्वारा पोखराबाट बन्दुक र मृगको छालासहित एक जनालाई पक्राउ

काठमाडौँ । कास्कीको पोखरा महानगरपालिका–२० स्थित भलामखोरबाट प्रहरीले दुई नाले भरुवा बन्दुकसहित एकजनालाई पक्राउ गरेको छ । पक्राउ पर्नेमा भलामखोर बस्ने ४२ वर्षीय दिपेन्द्र केसी छन् ।

अवैध शिकार गर्ने गरेको सुराकको आधारमा उनलाई पक्राउ गरिएको कास्कीका एसपी मोहन थापाले बताए । उनको घरमा लुकाएर राखेको अवस्थामा प्रहरीले मृगको छाला, खुट्टा र पुच्छर सहितको आलो मासु बरामद गरेको छ ।

भरुवा बन्दुकको खाली टोटा १३ थान र भरी खोका १ थान तथा २० ग्राम बारुद बरामद गरिएको एसपी थापाले जानकारी दिए । आरोपीलाई कानूनी कारवाहीका लागी जिल्ला बन कार्यालयमा पठाउने प्रहरीको तयारी छ ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै