admin@news24galaxy.com 
४ असोज , काठमाडौ । दशैँलाई लक्षित गर्दै यहि असोज १७ गतेदेखी सार्वजनिक प्रदर्शनमा आउने तयारिमा रहेको फिल्म ‘बेहुली फ्रम मेघौली’को ट्रेलर बिहीबार काठमाडौमा एक विशेष कार्यक्रमका बीच सार्वजनिक गरिएको छ ।
स्वस्तिमा खड्का र निश्चल बस्नेतको मुख्य भूमिका रहेको यस फिल्ममा पारिवारिक र सामाजिक मूल्य र मान्यताहरूको पृष्ठभूमिमा आधारित रहेर निर्माण गरिएको छ ।
एक छोरीको विवाहको संघर्षको कथा यो फिल्मको प्रमुख बिषयवस्तु हो । फिल्ममा स्वस्तिमा र निश्चलको अलावा विजय बराल, वसुन्धरा भुसाल, रक्षा थापा, लोकेन्द्र लेखक, आमिर गौतम, सिरु विष्ट, सिम्रन खड्का र शिशिर सिवाकोटीको अभिनय देख्न सकिन्छ । साजन काफ्ले र आकाश बरालको संयुक्त निर्देशनमा बनेको यस फिल्मको पटकथा पनि उनीहरूद्वारा नै लेखिएको हो ।
फिल्मको निर्माण स्वस्तिमा खड्का र निश्चल बस्नेतले गरेका हुन् भने ब्ल्याक हर्स पिक्चर्स र मेघौली फिल्मसको ब्यानरमा यो फिल्म ‘बेहुली फ्रम मेघौली’लाई निर्माण गरिएको हो । सार्वजनिक ट्रेलरमा स्वस्तिमा खड्का वर खोज्दै गर्दा निश्चल बस्नेत मन पराउँछिन्, तर निश्चल भने अर्की केटीसँग बिहे गर्ने तयारीमा रहेको देखाइएको छ, जसले कथालाई थप रोचक बनाएको छ ।
