बागमती प्रदेशका प्रहरी प्रमुख प्रहरी नायब महानिरीक्षक कृष्ण हरि शर्माको प्रमुख आतिथ्यतामा सडक दुर्घटना न्यूनीकरण, सडक सुशासन र सुरक्षा, सम्बन्धी बागमती प्रदेश मातहतका ट्राफिक प्रहरी कर्मचारीहरूसँग छलफल तथा अन्तरक्रिया सम्पन्न भएको छ ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर, चितवनले आयोजना गरेको उक्त कार्यक्रममा बागमती प्रदेश मातहतका ट्राफिक प्रमुखहरूको सहभागिता रहेको बागमती प्रदेश ट्राफिक प्रमुख एसपी नरेशराज सुवेदीले बताए ।
उक्त कार्यक्रममा उपस्थित जिल्ला ट्राफिक प्रमुखहरूले दुर्घटना र ट्राफिक प्रहरीको भूमिकाका बारेमा विभिन्न जिज्ञासा र गुनासो राखेका थिए । जिज्ञासा र गुनासोलाई सम्बोधन गर्दै प्रदेश प्रहरी प्रमुख, नायब महानिरीक्षक कृष्णहरी शर्माले सवारी दुर्घटना न्यूनीकरण र सडक सुशासनका लागि ट्राफिक प्रहरी, ट्राफिक व्यवसायी ट्राफिक कार्यालय, सडक विभागलगायत सरोकारवाला निकायका क्षेत्रहरूमा प्रभावकारी सहयोग र समन्वय हुनुपर्ने बताए ।
उक्त कार्यक्रममा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयका बागमती प्रदेशका प्रहरी प्रमुख एसपी नरेशराज सुवेदीले हालको ट्राफिक व्यवस्था, सवारी दुर्घटनाको अवस्थालगायत विभिन्न विषयमा प्रस्तुति दिएका थिए ।
उक्त कार्यक्रममा जिल्ला प्रहरी कार्यालय चितवनका एसपी गौतम मिश्र लगायत प्रहरी अधिकारीहरुको उपस्थिति रहेको थियो।
