काठमाडौं । जेनजीको आन्दोलनपछि खस्किएको प्रहरीको मनोबल उच्च बनाउनको लागि एसएसपी नबराज अधिकारीले नौलो अनि फरक किसिमको अभियान सञ्चालन गरेका छन्।
काठमाडौँ उपत्यका ट्राफिक प्रमुख एसएसपी नवराज अधिकारीले जुनियर प्रहरी कर्मचारीलाई बिहीबार राजधानीको कमलदीको सिटी सेन्टरको हलमा ५० जना प्रहरीलाई माइतीघर फिल्म हेर्न लगाउँदै ‘रिफ्रेसमेन्टडे’ मनाएका हुन्।
एसएसपी अधिकारीका अनुसार, निरन्तर फिल्डमा खटिने प्रहरीहरूलाई मानसिक सन्तुलन र मनोबल उच्चराख्न बेलाबेला मनोरञ्जनात्मक क्रियाकलाप आवश्यक पर्छ।
“हरेक दिन दबाबमा काम गर्नुपर्छ, त्यसैले यस्ता हल्का मनोरञ्जनका माध्यमहरूले उनीहरूलाई रिफ्रेस गराउँछन्,” उनले भने।
प्रहरी कर्मचारीलाई हौसला र उत्प्रेरणा अभिवृद्धि कार्यक्रम अन्तर्गत आफूले फरक फरक ढंगले मनोरञ्जनात्मक कार्यक्रम मिलाउने गरेको एसएसपी अधिकारीले बताए ।
उनका अनुसार, यस किसिमको रिफ्रेसमेन्ट कार्यक्रमले प्रहरीहरूमा नयाँ ऊर्जा, आत्मविश्वास र सकारात्मक सोचपैदा गर्छ। सहभागी प्रहरीहरू पनि यसरी गरिएको कार्यक्रमप्रति निकै उत्साहित र आभारी देखिएका छन्।
यसरी साँझको ‘फिल्म डे’ केवल मनोरञ्जनको माध्यम नभई संगठनभित्रको आपसी सम्बन्ध बलियो बनाउने र मानवीय संवेदना उजागर गर्ने एसएसपीको सोच उत्कृष्ट उदाहरण बनेकोछ।
