०२ जेठ , काठमाडौँ । अछामको बान्नीगढी जयगढ गाउँपालिकामा दाइले भाइलाई पराजित गरेका छन्। कांग्रेसका टेकबहादुर साउँदले एमालेका लोकबहादुर साउँदलाई ४ सय ९८ मतान्तरले पराजित गरेका हुन्।
टेक ३ हजार ११२ मतसहित विजयी हुँदा लोकले २ हजार ६१४ मत मात्र पाए।
बान्नीगढ३ बर्दादेवी धारासैन घर भएका साउँद दाजुभाइ फरक-फरक पार्टीबाट उम्मेदवार बनेका थिए। एउटै खलकका उनीहरुका बुवा दाजुभाइ हुन्।
टेक कांग्रेस अछामको पूर्वपार्टी सचिव हुन् भने एमाले बान्नीगढ गाउँपालिकाका निवर्तमान उपाध्यक्ष हुन्।
उपाध्यक्षमा भने एमालेका विन्दु रावल निर्वाचित भएकी छन्। रावल २ हजार ७ सय ३१ मतसहित निर्वाचित हुँदा निकटतम प्रतिस्पर्धी माओवादी केन्द्र उम्मेदवार निर्मला साउँदले २ हजार ७ सय १७ मत पाइन्।
