८ असार , काठमाडौं । अमेरिकी पपस्टार बियोन्सेको नयाँ गीत ‘ब्रेक माइ सोल’ रिलिज भएपछि अमेरिकामा तरंग भएको छ ।
मंगलबार राति रिलिज भएको ‘रेनसा’ एल्बममा संग्रहित उक्त गीतले महामारीले जागिर गुमाएपछि अमेरिकी नागरिकमा चुलिएको आक्रोशलाई प्रस्तुत गर्छ । राष्ट्रपति जो बाइडेन प्रशासनले नयाँ जागिर सिर्जना गर्न चुनौती खेपिरहेको छ ।
बियोन्सेको सो गीतको शब्दमा समेत श्रमिकको पीडा प्रस्तुत छ । यो समस्या अमेरिकी श्रमिकको मात्र होइन, नेपालसहित तेस्रो मुलुकबाट अमेरिकी सपना बोकेर पुगेका श्रमिकको समेत हो । गीतले नेपाली कामदार र समुदायको दर्दलाई पनि व्यक्त गरेको छ ।
बियोन्सेले पति तथा र्यापर जे जेडसँग मिलेर गीत लेखेकी हुन् । यो गीतलाई लिएर संसारका प्रतिष्ठित मिडिया आउटलेटले पनि बहस चलाएका छन् ।
