२५ भाद्र , काठमाडौँ । एन्फा अध्यक्ष पंकजविक्रम नेम्वाङले कतार फुटबल संघका अध्यक्ष हमाद बिन खलिफा बिन अहमद अल थानीसँग शनिबार दोहामा भेटवार्ता गरेका छन् । भेटमा दुई अध्यक्षबीच फुटबलका विषयमा विस्तृत छलफल भएको थियो । दुई अध्यक्षले एन्फालाई कतार फुटबलको सहयोग जारी राख्दै दुई फुटबल संघहरुबीचको समन्वय सम्बन्धलाई अझ बलियो बनाउने प्रतिवद्धता जनाएका छन् ।
एन्फा अध्यक्ष नेम्वाङले पनि कतार फुटबलका अध्यक्षबाट मायाको चिनो ग्रहण गरेका थिए । एन्फा अध्यक्ष नेम्वाङ अहिले कतार भ्रमणमा छन् ।
