काठमाडौं : ललितपुरको इमाडोलबाट प्रहरीले नक्कली नोटसहित एक जनालाई पक्राउ गरेको छ।
काठमाडौं उपत्यका अपराध अनुसन्धान कार्यालयबाट खटिएको टोलीले गत शुक्रबार ललितपुर महागनर-४ इमाडोलबाट एक जनालाई पक्राउ गरेको हो।
पक्राउ पर्नेमा मकवानपुर घर भई इमाडोल बस्ने ४२ वर्षीय प्रशान्त भन्ने पासाङ बमजन छन्। उनीबाट प्रहरीले ५ सय रुपैयाँका एक सय ६० थान नक्कली नोट बरामद गरेको हो।
विशेष सूचनाको आधारमा खटिएको टोलीले उनलाई पक्राउ गरेको हो।
थप अनुसन्धान गर्न उनलाई जिल्ला प्रहरी परिसर ललितपुरमा बुझाएको छ।
