बाँके । बाँके प्रहरीले नेपालगन्ज ल्याइँदै गरेको अवैध सामग्रीसहित पाँच जनालाई पक्राउ गरेको छ ।
भारतबाट ल्याउँदै गरेको दुई लाख २५ हजार दुई सय रुपैयाँ बराबरको अवैध सामानसहित पाँच जनालाई आइतबार बिहान नेपालगन्ज उपमहानगरपालिका १२ बाट पक्राउ गरेको हो ।
जिल्ला प्रहरी कार्यालय बाँकेको टोलीले कुर्ता, सल्वारलगायतका सामग्री, तस्करीमा प्रयोग गरिएका भारतीय नम्बर प्लेटको मोटरसाइकल र साइकलसहित तस्करीमा संलग्न पाँचजनालाई पक्राउ गरेको जनाएको छ ।
उक्त अवैध सामान, मोटरसाइकल, साइकलसहित पक्राउ परेका सबैलाई आवश्यक कारबाहीका लागि नेपालगन्ज भन्सार कार्यालय बुझाइएको छ ।
