२३ जेठ , काठमाडौ । पछिल्लो २४ घण्टामा सुदूरपश्चिम प्रदेशमा कोरोना संक्रमणबाट थप ९ जनाको मृत्यु भएको छ ।
पछिल्लो २४ घण्टामा प्रदेशका विभिन्न अस्पतालमा कोरोना संक्रमणबाट थप ९ जनाको मृत्यु भएको हो । मृत्यु हुनेमा कञ्चनपुर २, कैलाली २, अछाम १, डोटी २, बाजुरा १, बैतडी १ रहेको स्वास्थ्य निर्देशनालय राजपुर डोटीले जनाएको छ ।
त्यस्तै पछिल्लो २४ घण्टामा ८ हजार मा एन्टिजेन परिक्षण गर्दा ८५ जनामा कोरोना पुष्टी भएको छ भने मृत्य ३ रहेको छ ।
५ सय ७ मा पिसिआर परिक्षण गर्दा ९१ कोरोना पुष्टी भएको छ भने ६ जना को मृत्यु भएको सामाजिक विकास मन्त्रालयका स्वास्थ्य महाशाखा प्रमुख नरेन्द्रसिंह कार्कीले रातोपाटीलाई जानकारी दिए । प्रदेशमा हालसम्म कोरोनाबाट मृत्यु हुनेको संख्या २ सय ३७ पुगेको छ ।
