१८ असोज , काठमाडौ । नेकपा एकीकृत समाजवादीका अध्यक्ष माधवकुमार नेपाल करिब एक साताको अस्पताल बसाइपछि आज डिस्चार्ज भएका छन् ।
गत असोज १३ गते स्वास्थ्यमा समस्या आई त्रिवि शिक्षण अस्पताल महाराजगन्जमा भर्ना भएका अध्यक्ष नेपाल स्वास्थ्यलाभ गरी सोमबार विहान डिस्चार्ज भएका हुन्।
अस्पतालका अनुसार उनमा भाइरल ज्वरो र रगत तथा पेटमा समस्या देखिएको थियो । डिस्चार्जपछि स्वास्थ्य संवदेशनीलताका कारण रहेको भन्दै केही दिन घरमै आराम गर्नुपर्ने भएको नेपालको निजी सचिवालयले जनाएको छ ।
