१५ मंसिर काठमाडौ । भरतपुर महानगरपालिका वडा नम्बर २० का अमिन (करार) वीरेन्द्र बहादुर कठायत ५ लाख रुपैयाँ घूससहित पक्राउ परेका छन् ।
उनले अंशबण्डा गरी बाटो कायम गर्नका लागि जग्गाको कित्ताकाट लगायतका काममा सहजीकरण गरिदिने भनी सेवाग्राहीसँग घूस मागेको उजुरी अख्तियारमा परेको थियो ।
सो उजुरीपश्चात अख्तियारको केन्द्रीय कार्यालय टंगालबाट खटिएको टोलीले कठायतलाई एक लाख पचास हजार रुपैयाँ नगद र तीन लाख पचास हजार रुपैयाँको चेकसमेत लिइसकेको अवस्थामा पक्राउ गरेको हो ।
भरतपुर महानगरपालिका वडा नम्बर ४ स्थित धर्मचोक लंकुबाट नियन्त्रणमा लिई थप अनुसन्धान भइरहेको अख्तियारले बुधबार जानकारी दिएको छ ।
