२२ चैत , काठमाडौं । उदयपुर बेलका नगरपालिमा ट्युसन पढ्न गएकी बालिकाको हत्या भएकाे छ । उदयपुर बेलका नगरपालिका ३ बुद्धचौकीकी बिहान साँढे ४ बजे घरबाट ट्युसन पढ्न निस्किएकी १५ वर्षीया बालिका कविता सुनवारकाे हत्या भएको जशोधा खोलामा हत्या भएको प्रहरीले बताएकाे छ ।
कोसी जनता माध्यमिक विद्यालयमा कक्षा १० मा अध्ययनरत बालिका एसइइको परीक्षा नजिकिंदै गर्दा तयारीका लागि ट्युसन पढ्न सधैं बिहानै जाने गरेको परिवारका सदस्यले बताएका छन्।
सुनवारको शव बिहान ७ बजे खोला किनारामा स्थानीयले देखेपछि इलाका प्रहरी कार्यालय रामपुरलाई जानकारी गराएका थिए। घटनाको प्रकृति हेर्दा हत्या भएको देखिए पनि प्रहरीले यसको पुष्टि गरिसकेको छैन।
