१२ बैशाख , काठमाडौं । शहीद स्मारक सी डिभिजन लिगमा सानेपा क्लबले दोस्रो जित निकालेको छ ।
ललितपुरको सातदोबाटोस्थित एन्फा कम्प्लेक्समा सोमबार बिहान भएको खेलमा सानेपाले पुल्चोक स्पोर्ट्स क्लबलाई २–० गोल अन्तरले पराजित गरेको हो ।
सानेपाको जितमा खेमराज तामाङले २ गोल गरे ।
दोस्रो खेलमा मनोहरा युनाइटेड क्लब र स्वयम्भु क्लब दिउँसो पौने १ बजे आमने सामने हुनेछन् ।
त्यस्तै, आजै हुने तेश्रो खेलमा आरसी ३२ फुटबल एकेडेमी र वीरगञ्ज युथ एकेडेमी दिउँसो ४ बजे भिड्नेछन् ।
