०८ जेठ , काठमाडौं । अर्घाखाँचीको शीतगङ्गा नगरपालिकामा माछा मार्ने क्रममा खोलामा डुबेर दुई जनाको मृत्यु भएको छ ।
प्रहरीका अनुसार शीतगङ्गा नगरपालिका वडा नम्बर ७ र ९ को सिमानामा पर्ने शीतखोलामा माछा मार्ने क्रममा डुबेर काका र भतिज प्युठान नौबहिनी गाउँपालिका-८ फोप्लीका ५० वर्षीय नुमाराम घर्ती र उनका दाजुका छोरा १२ वर्षीय शमुलाल घर्तीको मृत्यु भएकाे हो ।
जिल्ला अस्पताल अर्घाखाँचीमा पोष्टमार्टम गरी शव आफन्तको जिम्मा लगाइएको र उक्त घटनाबारे ठप अनुसन्धान भइरहेकाे प्रहरीले जनाएकाे छ।
