२३ जेठ , काठमाडौं । मोरङको रतुवामाईमा मोटरसाइकल अनियन्त्रित भएर दुर्घटना हुँदा एक युवकको मृत्यु भएको छ ।
मोरङ प्रहरीका अनुसार रतुवामाई १ मा पर्ने आमबारी–कुटुमगञ्ज सडकखण्डमा आइतबार साँझ दुर्घटना हुँदा मोटरसाइकल चालक २५ वर्षका राजकुमार शर्माको मृत्यु भएको हो ।
सुनवर्षी ९ का शर्मा भारत अररियाका किसनकुमार कामतलाई मोटरसाइकलमा राखेर उत्तरबाट दक्षिणतर्फ जाँदै थिए। तीव्र गतिमा रहेको मे ४ प ४५५१ नम्बरको मोटरसाइकल अनियन्त्रित भएर दुर्घटनामा परेको थियो ।
गम्भीर घाइते शर्मालाई उपचारका लागि रङ्गेली अस्पताल लगिएकोमा चिकित्सकहरूले मृत घोषणा गरेका थिए । मोटरसाइकलको पछाडी सवार कामत पनि घाइते छन् । उनको रङ्गेली अस्पतालमा उपचार भइरहेको छ ।
