२९ असार , काठमाडौँ । प्रमुख प्रतिपक्षी दल नेकपा एमालेले नेपाल प्रहरीका लागि विभिन्न हातहतियार खरिद गर्न लागिएको भन्दै आपत्ति जनाएको छ ।
आजको प्रतिनिधिसभाको बैठकमा एमाले सांसद खगराज अधिकारीले ग्लोबल बोलपत्रबिना सरकारले हतार हतारमा हातहतियार खरिद गर्न लागेको भन्दै विरोध जनाएका हुन् ।
‘आर्थिक वर्षको अन्त्यमा रकमान्तर गरेर हातहतियार ल्याउन लागिएको सुनिएको छ। ती हातहतियार खरिद गर्नुपर्ने आवश्यकता हो होइन, ती हातहतियार नेपाल प्रहरीबाट माग भएको हो होइन ? सोबारे सदनलाई स्पष्ट जानकारी गराउन माग गर्दछु ।’ उनले भने।
यसअघि पनि एमाले सांसदले यसको विरोधमा संसदमा आवाज उठाउँदै आएका छन् ।
