१४ मंसिर , काठमाडौँ । मोरङको कानेपोखरीमा सवारी साधनको ठक्करबाट एकजनाको मृत्यु भएको छ ।
इलाका प्रहरी कार्यालय पथरीका अनुसार कानेपोखरी गाउँपालिका ७ मा गएराति सवारी साधनको ठक्करबाट एक पुरुषको मृत्यु भएको हो ।
नम्बर खुल्न नसकेको सवारी साधनले साइकलमा सवार मोरङकै पथरी शनिश्चरे नगरपालिका १० का ४० वर्षीय युवराज खत्रीलाई ठक्कर दिएको थियो । उनको पथरी अस्पतालमा उपचारको क्रममा गएराति सवा १० बजे खत्रीको मृत्यु भएको प्रहरीले जनाएको छ ।
