बोराभित्र राखेर भारत लैजाँदै गरेका बालबालिकाको उद्धार : एक जना भारतीय पक्राउ -
Comments Add Comment

Advertisment

SKIP THIS

बोराभित्र राखेर भारत लैजाँदै गरेका बालबालिकाको उद्धार : एक जना भारतीय पक्राउ

काठमाडौं– बोराभित्र बन्द गरी भारततर्फ लैजाँदै गरिएका दुई बालबालिकाको बाराको सीमावर्ती गाउँपालिका देवतालबाट उद्धार गरिएको छ।

देवताल गाउँपालिकाको वडा नम्बर–३ अमवा गाउँका दुई जना बालबालिकालाई चोरी गरी बोरामा बन्द गरेर भारततर्फ लैजाँदै गर्दा बालबालिकासहित चोरी गरी भारत लैजाने एक जना भारतीय युवकलाई पनि सशस्त्र प्रहरीले नियन्त्रणमा लिएको छ।

सशस्त्र प्रहरीका अनुसार अमवा गाउँका शिवपुजन महतोकी ९ महिनाकी छोरी र प्रेमचन्द्र महतोका २ वर्षीय छोराको उद्धार गरिएको हो। उद्धारपछि सशस्त्र प्रहरीले उनीहरुलाई अभिभावकको जिम्मा लगाएको छ।

बालबालिकालाई बोरामा बन्द गरेर सीमा कटाउँदै गरेका भारतको पूर्वीचम्पारण मूर्तिया ग्राम पञ्चायत वडा नम्बर ४ आदापुरका २२ वर्षीय तबरेज आलमलाई नियन्त्रणमा लिइएको छ।

भारततर्फ लैजाने क्रममा बोराभित्रबाट बालबालिका रोएको आवाज सुनेपछि सशस्त्र प्रहरीले चेकजाँच गरेको थियो। जाँचका क्रममा बोराभित्र बालबालिका फेला परेपछि आलमलाई नियन्त्रणमा लिइएको हो। पक्राउ परेका आलममाथि थप अनुसन्धान भइरहेको छ।

यो खबर पढेर तपाईलाई कस्तो महसुस भयो ?

सम्बन्धित खवर


Notice: Undefined variable: post in /home/ghargha2/news24galaxy.com/wp-content/themes/a1-online/inc/extrafile/sambandhit.php on line 3
Advertisment

छुटाउनुभयो कि? सबै


Notice: Undefined variable: post in /home/ghargha2/news24galaxy.com/wp-content/themes/a1-online/inc/extrafile/youhavemissed.php on line 3