झापा । झापामा प्रबिन्धित लागुऔषसहित २ जना पक्राउ परेका छन् । जिल्लाको मेचीपुलस्थित लागुऔषध नियन्त्रण ब्युरो र इलाका प्रहरी कार्यालय काँकरभिट्टाबाट खटिएको संयुक्त टोलीले लागुऔषसहित २ जनालाई पक्राउ गरेको हो ।
पक्राउ पर्नेमा सुनसरीको धरान उपमहानगरपालिका ५ बस्ने २४ वर्षीय थामबहादुर विक र सोही ठाउँ बस्ने अर्जुन विक रहेका छन् । शनिबार भारतबाट नेपालतर्फ आइरहेका उनीहरुलाई शंका लागेर चेकजाँच गर्दा लागुऔषध भेटिएको प्रहरीले बताएको छ ।
पक्राउ परेकाहरुमाथि इलाका प्रहरी कार्यालय काँकरभिट्टामा राखेर अनुसन्धान भैरहेको छ ।
