काठमाडौं । नेपाल प्रहरी श्रीमती संघले अन्तर्राष्ट्रिय महिला दिवसको अवसरमा उत्कृष्ट महिला प्रहरी कर्मचारीलाई सम्मान गरेको छ ।
एक कार्यक्रमको आयोजना गर्दै उत्कृष्ट महिला प्रहरी कर्मचारीहरूलाई सम्मान गरेको हो ।
नेपाल प्रहरी श्रीमती संघकी अध्यक्ष लक्ष्मी कुँवरले संघको कार्यालय भृकुटिमण्डपमा आयोजित कार्यक्रममा उत्कृष्ट महिला प्रहरी कर्मचारीहरू प्रहरी सहायक हवल्दार सविता कार्की र प्रहरी जवान रविना तामाङलाई प्रशंसापत्र प्रदान गरिन् ।
कार्यक्रममा संघकी पदाधिकारीहरू, महिला प्रहरीकर्मचारी तथा परिवार, प्रहरी अधिकृत लगायतको उपस्थिति रहेको थियो ।
