सुन तस्करीका विचौलिया चलाउनेविरुद्ध इन्टरपोलद्वारा डिफ्युजन नोटिस जारी -
Comments Add Comment

सुन तस्करीका विचौलिया चलाउनेविरुद्ध इन्टरपोलद्वारा डिफ्युजन नोटिस जारी

काठमाडौं । सुन तस्करीका विचौलिया जीवन चलाउनेविरुद्ध डिफ्युजन नोटिस जारी भएको छ ।

नेपाल प्रहरीको अनुरोधमा प्रहरीको अन्तर्राष्ट्रिय संगठन (इन्टरपोल)ले चलाउनेविरुद्ध डिफ्युजन नोटिस जारी गरेको हो ।

चलाउने सुन तस्करी मुद्दाका फरार अभियुक्त हुन्। चलाउनेविरुद्ध इन्टरपोलबाट डिफ्युजन नोटिस जारी भएको केन्द्रीय अनुसन्धान ब्यूरो (सीआईबी) स्रोतले बतायो ।

६० किलो सुन तस्करी प्रकरणमा जोडिएपछि डिफ्युजनका लागि नोटिसका सीआईबीले इन्टरपोललाई पत्राचार गरेको थियो । डिफ्युजन नोटिस जारी भएपछि इन्टरपोलका सदस्य राष्ट्र मुलुकहरुमा चलाउने भएको वा नभएको लोकेट हुनेछ।

त्यसपछि उनलाई डिपोर्ट गराएर नेपाल ल्याउने प्रक्रिया थालिने प्रहरीले जनाएको छ । सुन तस्करी प्रकरणमा जोडिएका बेल्जियन नागरिक दावा छिरिङसँग चलाउनेको सम्बन्ध देखिएको थियो ।

सुन तस्करीमा सीआईबीले दावा, जीवनसहित २९ जनालाई प्रतिवादी बनाएर मुद्धा दायर गरेको थियो । सुन तस्करीको थप छानबिन गर्न भन्दै पूर्वन्यायाधीश डिल्लीराज आचार्य अध्यक्ष रहेको सिमिति बनाइएको थियो ।

समितिले चलाउनेलाई सीआईबीका प्रहरीले समातेर पनि छाडेको भन्दै प्रहरीलाई कारबाही गर्न समेत सिफारिस गरेको थियो । आयोगको सिफारिसपछि सीआईबीका तत्कालीन एआईजी किरण बज्राचार्य, एसपी सञ्जयसिंह थापा, डीएसपीद्धय रुगम कुँवर र दुर्गा दाहाललाई सीआईबीबाट प्रहरी हेडक्वाटर तानिएको थियो ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै