७ साउन , काठमाडौ । चितवनको जलबिरेमा माइक्रो बस दुर्घटना हुँदा ३ जना यात्रु घाइते भएका छन ।
आज बिहान नवलपरासी पूर्वको कावासोतीबाट काठमाडौं आउँदै गरेको ग १ ख ९१५५ नम्बरको माइक्रोबस जलबिरेस्थित डिभाइडरमा ठोक्किएर दुर्घटना भएको हो ।
दुर्घटनाका घाइतेहरूलाई उपचारका लागि भरतपुर पठाइएको प्रहरीले जनाएको छ । घाइते भएकामध्ये सहचालकको अवस्था गम्भीर रहेको इलाका प्रहरी कार्यालय मुग्लिङले जानकारी दिएको छ । घाइतेहरूको विवरण आउन बाँकी छ ।
