२९ पुष, काठमाडौ । प्रहरी नायब महानिरीक्षक (डीआईजी) मुकुन्दराज आचार्यले केन्द्रीय प्रवक्ताको जिम्मेवारी पाएका छन् ।
प्रहरी महानिरीक्षकको सचिवालयले तत्कालका लागि डीआईजी आचार्यलाई बुधवारदेखि लागू हुने गरी प्रवक्ताको जिम्मेवारी दिएको हो ।
यसअघिका प्रवक्ता एसएसपी वषन्तबहादुर कुँवरको महानगरीय अपराध महाशाखा (हाल काठमाडौं उपत्यका अपराध अनुसन्धान कार्यालय) मा सरुवा भएपछि प्रवक्ता पद रिक्त थियो ।
