२५ बैशाख , काठमाडौं । काठमाडौं महानगरपालिका–१७ क्षेत्रपाटीबाट प्रहरीले जुवा खेलिरहेका ८ जनालाई पक्राउ गरेको छ । होटल गणेश हिमालको कोठा नम्बर ८०८ बाट नागार्जुन नगरपालिका–५ सीतापाइला बस्ने मुस्ताङ घर भएका ६८ वर्षीय मीनबहादुर गुरुङ समेतलाई पक्राउ गरिएको जिल्ला प्रहरी परिसर काठमाडौंले पक्राउ गरेको छ ।
सो होटलमा जुवातास खेलिरहेको सुराकको आधारमा प्रहरी वृत्त लैनचौरबाट खटिएको प्रहरी टोली त्यहाँ पुगेको थियो । प्रहरीले जुवा खालबाट १ लाख ८६ हजार ९ सय ५० रुपैयाँ नगद र ९ गड्डी तास बरामद गरेको छ । जुवा खेल्नेहरूबारे प्रहरी वृत्त लैनचौरले अनुसन्धान गरिरहेको छ ।
