९ साउन , काठमाडौँ । अफ्रिकी देशहरूले पश्चिमी बैंकहरू, सम्पत्ति प्रबन्धकहरू र तेल व्यापारीहरूलाई चीनको तुलनामा तीन गुणा बढी ऋण तिर्नुपर्नेछ। उनीहरुलाई ब्याज पनि दोब्बर बढी लिइएको बेलायती अभियान परोपकारी डेट जस्टिसले जारी गरेको अध्ययनले देखाएको छ।
अमेरिका र अन्य पश्चिमी देशहरूले केही अफ्रिकी देशहरूले सामना गरेको ऋण समस्याहरूको पछाडि चीनको ऋण रहेको बढ्दो आरोप लगाउँदै आएका छन्। उल्लिखित प्रतिवेदनले चीनमाथि लगाइएको उक्त आरोपको खण्डन गरेको छ।
अध्ययनले अफ्रिकी महाद्वीपको बाह्य ऋणको १२ प्रतिशत मात्र चिनियाँ ऋण रहेको औँल्याएको छ। जबकि अफ्रिकी देशहरुले ३५ प्रतिशत पश्चिमी निजी ऋणदाताहरूलाई चर्को ब्याज तिरिरहेको थियो विश्व बैंकको तथ्याङ्कमा उल्लेख छ।
निजी ऋणमा लगाइने ब्याजदर चिनियाँ ऋणको भन्दा झण्डै दोब्बर छ। जबकि सबैभन्दा बढी ऋणी देशहरूमा चीनको ऋणको प्रभुत्व कम हुने सम्भावना कम रहेको अध्ययनले देखाएको छ। निजी क्षेत्रको ऋणको औसत ब्याजदर चिनियाँ सार्वजनिक र निजी ऋणदाताहरूको २.७ प्रतिशतको तुलनामा ५ प्रतिशत रहेको छ।
