१५ असोज , काठमाडौँ । काठमाडौं महानगरपालिकाले बजार अनुगमनलाई तीव्रता दिएको छ । दसैँको बेला खाद्यबस्तुको गुणस्तरमा ठगीलाई रोक्न महागगरले बजार अनुगमन गरिरहेको छ ।
यसैक्रममा महानगरपालिकाले शनिबार महानगरभित्र रहेका माछा र तरकारी पसलहरुमा अनुगमन गरेको छ । कालीमाटीको माछा पसल र तरकारी बजार अनुगमन गर्न महानगरका कर्मचारीसहित परिक्षण टोलीसमेत पुगेका छन् ।
अनुगमन टोलीले बजारमा बेच्न राखिएका माछा तरकारीहरुको गुणस्तर चेकजाँच गरेको थियो । साथै, पसलेसँग सामानको बीलसमेत मागेका थिए ।
