नेपाल प्रहरीले पर्साको वीरगञ्जस्थित सीमा क्षेत्रबाट भारी परिमाणमा प्रतिबन्धित लागुऔषधसहित एक जना भारतीय नागरिक पक्राउ परेका छन् ।
वीरगञ्ज महानगरपालिका-१६ बाट एक सय ४१ किलो गाँजासहित पक्राउ परेका भारत विहार पूर्वी चम्पारण मोतिहारीको लक्ष्मीपुर निवासी २७ वर्षीय ओमप्रकाश सिंहलाई प्रहरीले सोमबार सार्वजनिक गरेको हो ।
वीआर ०६ जि ऐ ९६९१ नम्बरको मिनि ट्रकमा गाँजा लुकाइ भारततर्फ लैजाँदै गरेको पूर्वसूचनाका आधारमा जिल्ला प्रहरी कार्यालय पर्साका प्रमुख प्रहरी उपरीक्षक कोमल शाहको कमाण्डमा खटिएको प्रहरीले उक्त ब्यक्तिलाई पक्राउ गरेको हो ।
धर्मकाँटा अगाडि रोकिराखिएको भारतीय ट्रकलाई नियन्त्रणमा लिई जाँच गर्दा गाँजा बरामद गरिएको थियो । चैत ४ मा पक्राउ परेका सिंहलाई चैत ५ मा पर्सा जिल्ला अदालतले अनुसन्धानका लागि सात दिन थुनामा राख्न अनुमति दिएको सूचना अधिकारीले बताए ।
